១. បឋមាទិសិក្ខាបទវណ្ណនា

៨៤១. ទុតិយវគ្គស្ស បឋមេ ទានេ វាតិ ទាននិមិត្តំ. រត្តន្ធការេ បុរិសស្ស ហត្ថបាសេ ឋានាទិ, រហោបេក្ខា, សហាយាភាវោតិ តីណិ អង្គានិ.

៨៤២-៨៥០. ទុតិយាទីនិ ឧត្តានានិ.

៨៥៤. បញ្ចមេ បល្លង្កស្ស អនោកាសេតិ ឩរុពទ្ធាសនស្ស អប្បហោនកេ. បុរេភត្តំ អន្តរឃរេ បល្លង្កប្បហោនកាសនេ និសជ្ជា, អននុញ្ញាតការណា អនាបុច្ឆា វុត្តបរិច្ឆេទាតិក្កមោតិ ទ្វេ អង្គានិ.

៨៦០-៨៧៩. ឆដ្ឋាទីនិ ឧត្តានានិ.

និដ្ឋិតោ អន្ធការវគ្គោ ទុតិយោ.