២. ឧជ្ជគ្ឃិកវគ្គវណ្ណនា

៥៨៦. ទុតិយវគ្គាទិឧជ្ជគ្ឃិកអប្បសទ្ទេសុ និសីទនបដិសំយុត្តេសុបិ វាសូបគតស្ស អនាបត្តិ ន វុត្តា, កាយប្បចាលកាទីសុ ឯវ បន វុត្តា. បាឡិបោត្ថកេសុ បនេតំ កេសុចិ បេយ្យាលេន ព្យាមោហិតត្តា ន សុដ្ឋុ វិញ្ញាយតិ. យត្ថ ច អន្តរឃរេ ធម្មំ វា ទេសេន្តស្ស, បាតិមោក្ខំ វា ឧទ្ទិសន្តស្ស មហាសទ្ទេន យាវបរិសសាវនេបិ អនាបត្តិ ឯវាតិ ទដ្ឋព្ពំ តថា អានន្ទត្ថេរមហិន្ទត្ថេរាទីហិ អាចរិតត្តា.

ឧជ្ជគ្ឃិកវគ្គវណ្ណនា និដ្ឋិតា.