២. ទុតិយវគ្គវណ្ណនា

៩០៩-៩២២. ទសពលញាណន្តិ ទសវិធពលញាណំ. ឯកទេសេនាតិ បទេសវសេន. សាវកានម្បិ អត្តនោ អភិនីហារានុរូបំ ញាណំ បវត្តតីតិ តេ កាលបទេសវសេន ចេវ យថាបរិចយសត្តបទេសវសេន ច ឋានានីតិ ជានន្តិ, សម្មាសម្ពុទ្ធានំ បន អនន្តញាណតាយ សព្ពត្ថេវ អប្បដិហតមេវ ញាណន្តិ អាហ – ‘‘សព្ពញ្ញុពុទ្ធានំ បនា’’តិអាទិ. ឯតំ ទសពលញាណំ អនន្តវិសយត្តា និប្បទេសំ អនូនតាយ សព្ពាការបរិបូរំ.

ទុតិយវគ្គវណ្ណនា និដ្ឋិតា.

អនុរុទ្ធសំយុត្តវណ្ណនា និដ្ឋិតា.