៦. សូរិយបេយ្យាលវគ្គវណ្ណនា

៤៩-៦២. យថា អរុណុគ្គំ សូរិយុគ្គមនស្ស ឯកន្តិកំ បុព្ពនិមិត្តំ, ឯវំ កល្យាណមិត្តតា អរិយមគ្គបាតុភាវស្សាតិ សទិសូបមា អរុណុគ្គំ កល្យាណមិត្តតាយ. កល្យាណមិត្តោតិ ចេត្ថ អរិយោ, អរិយមគ្គោ វា ទដ្ឋព្ពោ សូរិយបាតុភាវោ វិយ តេន វិធូបនីយន្ធការវិធមនតោ. កុសលកត្តុកម្យតាឆន្ទោ ឆន្ទសម្បទា ឥតរឆន្ទតោ សម្បន្នត្តា. ការាបកអប្បមាទស្សាតិ សច្ចបដិវេធស្ស ការាបកស្ស. ឯវំ សព្ពត្ថេវ សម្បទាសទ្ទា វិសេសាធិគមហេតុតាយ វេទិតព្ពា. អញ្ញេនបិ អាការេនាតិ ‘‘វិវេកនិស្សិត’’ន្តិអាទិអាការតោ អញ្ញេន ‘‘រាគវិនយបរិយោសាន’’ន្តិអាទិនា អាការេន.

សូរិយបេយ្យាលវគ្គវណ្ណនា និដ្ឋិតា.