១-២. មាតុគាមសុត្តាទិវណ្ណនា

២៨០-២៨១. អគុណង្គេហីតិ អគុណកោដ្ឋាសេហិ. រូបយតីតិ រូបំ, សរីររូបំ. សរីររូបំ បាសំសំ ឯតស្ស អត្ថីតិ រូបវា, តប្បដិក្ខេបេន ន ច រូបវា, សម្បន្នរូបោ ន ហោតីតិ អត្ថោ. ញាតិកុលតោ អញ្ញតោ វា អាគតាយ ភោគសម្បទាយ អភាវេន ន ភោគសម្បន្នោ. ទុស្សីលោតិ និស្សីលោ. និស្សីលតាយ ឯវ ចស្សា បុព្ពុដ្ឋាយិតាទិអាចារាភាវោ វុត្តោ. អាលសិយោតិ អាលសិយតាយ យុត្តោ. បជញ្ចស្ស ន លភតីតិ បជាភាវសីសេន តស្សា បរិវារហានិ វុត្តា. បរិវត្តេតព្ពន្តិ បុរិសវសេន បរិវត្តេតព្ពំ.

មាតុគាមសុត្តាទិវណ្ណនា និដ្ឋិតា.