៨. ឧបវាណសន្ទិដ្ឋិកសុត្តវណ្ណនា

៧០. រូបំ បដិសំវិទិតំ ករោតិ ញាតបរិញ្ញាវសេន. រូបរាគន្តិ នីលាទិភេទេ រូបធម្មេ រាគំ. បដិសំវិទិតំ ករោតិ ‘‘អយំ មេ រាគោ អប្បហីនោ’’តិ. ឯតេន សេក្ខានំ បច្ចវេក្ខណា កថិតា. តេន វុត្តំ ‘‘ឯវម្បិ ខោ, ឧបវាណ, សន្ទិដ្ឋិកោ ធម្មោ ហោតី’’តិអាទិ. រូបរាគំ បដិសំវិទិតំ ករោតិ ‘‘នត្ថិ មេ អជ្ឈត្តំ រូបេសុ រាគោ’’តិ បជានាតិ. អសេក្ខានំ ហាយំ បច្ចវេក្ខណា.

ឧបវាណសន្ទិដ្ឋិកសុត្តវណ្ណនា និដ្ឋិតា.