១. វាតសុត្តវណ្ណនា

២០៦. ន ឯតេ វាតាតិ យេ ឥមេ រុក្ខសាខាទិភញ្ជនករា, ឯតេ សត្តកាយត្តា វាតា នាម ន ហោន្តិ. តេ ហិ និច្ចា ធុវា សស្សតា. តេនាហ ‘‘វាតោ បនា’’តិអាទិ. តេន សត្តសុ កាយេសុ ចតុត្ថំ កាយមាហ. រុក្ខសាខាទិភញ្ជនកោ ឯសោ វាតលេសោ នាម, វាតសទិសោតិ អត្ថោ. ឯសិកត្ថម្ភោ វិយាតិ ឥមិនា និច្ចលភាវមេវ ទស្សេតិ, បព្ពតកូដំ វិយាតិ ឥមិនា បន សស្សតិសមំវាបិ. អយញ្ហិ វាយុ កាយស្ស និច្ចតំ អភិនិវិស្ស ឋិតោ ‘‘មា ច អនិច្ចតា បរោ ហោតូ’’តិ ន វាតា វាយន្តីតិ ពាធតិ. ឯស នយោ នទិយោ សន្ទន្តីតិអាទីសុ. ឧទកំ បនាតិ ទុតិយំ កាយំ សន្ធាយាហ. គព្ភោ បន ន និក្ខមតិ កូដដ្ឋាទិភាវេនេវ តស្ស លព្ភនតោ. នេវ តេ ឧទេន្តិ យថា វាតា, ឯវំ តិដ្ឋនតោ លោកស្ស បន តថា មតិមត្តន្តិ អធិប្បាយោ.

វាតសុត្តវណ្ណនា និដ្ឋិតា.