១. ទសពលសុត្តវណ្ណនា

២១. បឋមំ ទុតិយស្សេវ សង្ខេបោ បឋមសុត្តេ សង្ខេបវុត្តស្ស អត្ថស្ស វិត្ថារវសេន ទុតិយសុត្តស្ស ទេសិតត្តា, តញ្ច បន ភគវា បឋមសុត្តំ សង្ខេបតោ ទេសេសិ, ទុតិយំ តតោ វិត្ថារតោ. បឋមំ វា សំខិត្តរុចីនំ បុគ្គលានំ អជ្ឈាសយេន សង្ខេបតោ ទេសេសិ, ទុតិយំ បន អត្តនោ រុចិយា តតោ វិត្ថារតោ. សីហសមានវុត្តិកា ហិ ពុទ្ធា ភគវន្តោ, តេ អត្តនោ រុចិយា កថេន្តា អត្តនោ ថាមំ ទស្សេន្តាវ កថេន្តិ, តស្មា ទុតិយសុត្តវសេន ចេត្ថ អត្ថវណ្ណនំ ករិស្សាម, តស្មិំ សំវណ្ណិតេ បឋមំ សំវណ្ណិតមេវ ហោតីតិ អធិប្បាយោ.

ទសពលសុត្តវណ្ណនា និដ្ឋិតា.