៥. មានត្ថទ្ធសុត្តវណ្ណនា

២០១. មានេន ថទ្ធោតិ ‘‘អយំ ខោ’’តិអាទិនា បគ្គហិតេន មានេន ថទ្ធោ ពជ្ឈិតចិត្តោ ថទ្ធអយោសលាកោ វិយ កស្សចិបិ អនោនតោ. ន កិញ្ចិ ជានាតិ លោកេ បដិសន្ថារមត្តស្សបិ អជាននតោ.

អព្ភុតវិត្តជាតាតិ សញ្ជាតអព្ភុតវិត្តា. វិត្តំ វិត្តីតិ ច តុដ្ឋិបរិយាយា. អភូតបុព្ពាយាតិ យា តស្សា បរិសាយ វិត្តិ តទា ភូតា, សា ឥតោ បុព្ពេ អភូតា. តេនាហ ‘‘អភូត…បេ… សមន្នាគតា’’តិ. អស្ស បុគ្គលស្សាតិ អនេន បុគ្គលេន. អបចិតាតិ បរមនិបច្ចេន បូជនីយសាមញ្ញតោ តត្ថ អត្តនោ បក្ខិបនំ ឥធ ទេសនាកោសល្លំ.

មានត្ថទ្ធសុត្តវណ្ណនា និដ្ឋិតា.