៥. ឧប្បលវណ្ណាសុត្តវណ្ណនា

១៦៦. អគ្គតោ បដ្ឋាយាតិ សព្ពអគ្គតោ បភុតិ យាវ មូលា អន្តរាយុត្តំ សម្មទេវ បុប្ផិតំ សាលរុក្ខំ. វណ្ណធាតុសីសេន វណ្ណធាតុសម្បន្នំ ទុតិយំ ភិក្ខុនិំ វទតីតិ អាហ ‘‘តយា សទិសា អញ្ញា ភិក្ខុនី នត្ថី’’តិ. បខុមសីសេន អក្ខិភណ្ឌំ វុច្ចតីតិ អាហ ‘‘បខុមន្តរិកាយន្តិ ទ្វិន្នំ អក្ខីនំ មជ្ឈេ’’តិ. នាសវំសេតិ នាសវំសមូលេ. ‘‘ន បស្សសី’’តិ វត្វា អទស្សនេ ការណំ អាហ ‘‘វសីភូតម្ហី’’តិ.

ឧប្បលវណ្ណាសុត្តវណ្ណនា និដ្ឋិតា.