៤. អាមិសសិក្ខាបទំ

១៦៤. ចតុត្ថេ ពហុំ មានំ កតំ យេហីតិ ពហុកតា. ពហុកតា ហុត្វា ន ឱវទន្តីតិ អត្ថំ ទស្សេន្តោ អាហ ‘‘ន ពហុកតា’’តិអាទិ. ធម្មេតិ សីលាទិធម្មេ. អធិប្បាយោតិ ‘‘ន ពហុកតា’’តិបទស្ស, ឆព្ពគ្គិយានំ វា អធិប្បាយោតិ យោជនា. ‘‘កត្តុកាមោតិ អាទីន’’ន្តិបទំ ‘‘អត្ថោ’’តិបទេ វាចកសម្ពន្ធោ.

អសម្មតោ នាម ឋបិតោ វេទិតព្ពោតិ យោជនា. សម្មុតិន្តិ ភិក្ខុនោវាទកសម្មុតិំ. បច្ឆា សាមណេរភូមិយំ ឋិតោតិ យោជនាតិ. ចតុត្ថំ.