៤៧. សុទ្ធិនិទ្ទេសោ

សុទ្ធីតិ –

៤៥៥. ទេសនា សំវរោ ឯដ្ឋិបច្ចវេក្ខណ ភេទតោ;

សុទ្ធី ចតុព្ពិធា បាតិមោក្ខសំវរសម្មតំ;

ទេសនាយ វិសុទ្ធត្តា, ទេសនាសុទ្ធិ វុច្ចតិ.

៤៥៦. ‘‘ន បុនេវំ ករិស្ស’’ន្តិ, ចិត្តាធិដ្ឋានសំវរា;

វុត្តោ សំវរសុទ្ធីតិ, សុជ្ឈតិន្ទ្រិយសំវរោ.

៤៥៧. បហាយានេសនំ ធម្មេនុប្បាទេន្តស្ស ឯដ្ឋិយា;

សុទ្ធត្តា ឯដ្ឋិសុទ្ធីតិ, វុត្តមាជីវនិស្សិតំ.

៤៥៨. យោនិសោ បដិសង្ខាយ, ចីវរំ បដិសេវតិ;

ឯវមាទិយថាវុត្ត-បច្ចវេក្ខណសុជ្ឈនា;

បច្ចវេក្ខណសុទ្ធីតិ, វុត្តំ បច្ចយនិស្សិតន្តិ.