២៤. អញ្ជនីនិទ្ទេសោ

អញ្ជនីតិ –

១៨២. វដ្ដាដ្ឋសោឡសំសា វា, មដ្ឋា វដ្ដតិ អញ្ជនី;

តិស្សោបិ មូលេ គីវាយំ, លេខា ឯកាវ ពន្ធិតុំ.

១៨៣. យំ កិញ្ចិ រូបំ មាលាទិកម្មំ មករទន្តកំ;

គោមុត្តកឌ្ឍចន្ទាទិ-វិការំ នេត្ថ វដ្ដតិ.

១៨៤. លព្ភេកវណ្ណសុត្តេន, សិព្ពិតុំ ថវិកា តថា;

សិបាដិ កុញ្ចិកាកោសោ, សលាកាបិ អចិត្តកា.

១៨៥. សង្ខនាភិវិសាណដ្ឋិ-នឡទន្តមយា តថា;

ផលកដ្ឋមយា វេឡុ-លាខាលោហមយាបិ ច.

១៨៦. អញ្ជនិយោ សលាកាយោ, ធូមនេត្តា ច លព្ភរេ;

តថា សត្ថកទណ្ឌានិ, នត្ថុទានា ច តម្មយាតិ.