១១. និស្សគ្គិយនិទ្ទេសោ

និស្សគ្គិយានីតិ –

១១៦. អរូបិយំ រូបិយេន, រូបិយំ ឥតរេន ច;

រូបិយំ បរិវត្តេយ្យ, និស្សគ្គិ ឥធ រូបិយំ.

១១៧. កហាបណោ សជ្ឈុ សិង្គី, វោហារូបគមាសកំ;

វត្ថមុត្តាទិ ឥតរំ, កប្បំ ទុក្កដវត្ថុ ច.

១១៨. ‘‘ឥមំ គហេត្វា ភុត្វា វា, ឥមំ ទេហិ ករានយ;

ទេមិ វា’’តិ សមាបន្នេ, និស្សគ្គិ កយវិក្កយេ.

១១៩. អត្តនោ អញ្ញតោ លាភំ, សង្ឃស្សញ្ញស្ស វា នតំ;

បរិណាមេយ្យ និស្សគ្គិ, បាចិត្តិ ចាបិ ទុក្កដំ.

១២០. អនិស្សជ្ជិត្វា និស្សគ្គិំ, បរិភុញ្ជេ ន ទេយ្យ វា;

និស្សដ្ឋំ សកសញ្ញាយ, ទុក្កដំ អញ្ញថេតរន្តិ.