៤. ចតុត្ថបាដិទេសនីយសិក្ខាបទវណ្ណនា

អារាមេ វា អារាមូបចារេ វា បដិគ្គហេត្វា អជ្ឈោហរន្តស្សាតិ អារាមេ វា អារាមូបចារេ វា បដិគ្គហេត្វា អារាមេ វា អារាមូបចារេ វា អជ្ឈោហរន្តស្សាតិ អត្ថោ.

ពហារាមេ បដិគ្គហិតំ អជ្ឈារាមេ ភុញ្ជន្តស្ស អនាបត្តិ. អង្គេសុ ច ‘‘អជ្ឈារាមេ វា អារាមូបចារេ វា បដិគ្គហណ’’ន្តិ គហេតព្ពំ. អជ្ឈារាមេ ហិ ទស្សិតេ អារាមូបចារំ ទស្សិតមេវាតិ. ‘‘សមុដ្ឋានាទីនិ កថិនសទិសានិ, ឥទំ បន កិរិយាកិរិយ’’ន្តិ បាឋោ.

ចតុត្ថបាដិទេសនីយសិក្ខាបទវណ្ណនា និដ្ឋិតា.

បាដិទេសនីយវណ្ណនា និដ្ឋិតា.