៦. បឋមសង្ឃិកចេតាបនសិក្ខាបទវណ្ណនា

អញ្ញស្សត្ថាយ ទិន្នេនាតិ យំ ចេតាបេតិ, តតោ អញ្ញស្សត្ថាយ ទិន្នេន. អញ្ញុទ្ទិសិកេនាតិ បុរិមស្សេវត្ថទីបនំ.

សេសកំ ឧបនេន្តិយាតិ យទត្ថាយ ទិន្នោ, តំ ចេតាបេត្វា អវសេសំ អញ្ញស្សត្ថាយ ឧបនេន្តិយា. សាមិកេ អបលោកេត្វាតិ ទាយកេ អាបុច្ឆិត្វា. ឯវរូបាសូ អាបទាសុ ឧបនេន្តីនន្តិ ឯវរូបេសុ ឧបទ្ទវេសុ អញ្ញស្ស យស្ស កស្សចិ អត្ថាយ ឧបនេន្តីនំ.

បឋមសង្ឃិកចេតាបនសិក្ខាបទវណ្ណនា និដ្ឋិតា.