៣. គណបរិភាសនសិក្ខាបទវណ្ណនា

តតិយេ ចណ្ឌិកតាតិ កុទ្ធា. គណន្តិ ភិក្ខុនិសង្ឃំ. បរិភាសេយ្យាតិ ឯត្ថ ‘‘ពាលា ឯតា អព្យត្តា ឯតា, នេតា ជានន្តិ កម្មំ វា កម្មទោសំ វា កម្មសម្បត្តិំ វា កម្មវិបត្តិំ វា’’តិ ឯវំ យត្ថ កត្ថចិ បរិភាសន្តិយា បាចិត្តិយំ.

សាវត្ថិយំ ថុល្លនន្ទំ អារព្ភ គណំ បរិភាសនវត្ថុស្មិំ បញ្ញត្តំ, សម្ពហុលា វា ឯកំ វា អនុបសម្បន្នំ វា បរិភាសន្តិយា ទុក្កដំ. សេសំ ទុតិយសទិសមេវាតិ.

គណបរិភាសនសិក្ខាបទវណ្ណនា និដ្ឋិតា.