១២. លហុបាវុរណសិក្ខាបទវណ្ណនា

ទុតិយេ លហុបាវុរណន្តិ ឧណ្ហកាលេ បាវុរណំ. អឌ្ឍតេយ្យកំសបរមន្តិ ទសកហាបណគ្ឃនកំ, សេសំ បឋមសទិសមេវាតិ.

លហុបាវុរណសិក្ខាបទវណ្ណនា និដ្ឋិតា.

ឥតោ បរានិ ឥមស្មិំ វគ្គេ អដ្ឋ, តតិយវគ្គេ ទសាតិ ឥមានិ អដ្ឋារស សិក្ខាបទានិ ភិក្ខុបាតិមោក្ខវណ្ណនាយំ វុត្តនយេនេវ វេទិតព្ពានីតិ.

ជាតរូបវគ្គោ តតិយោ.

ឧទ្ទិដ្ឋា ខោ អយ្យាយោ តិំស និស្សគ្គិយា បាចិត្តិយា ធម្មាតិ ភិក្ខូ អារព្ភ បញ្ញត្តា សាធារណា អដ្ឋារស, អសាធារណា ទ្វាទសាតិ ឯវំ តិំស. សេសំ សព្ពត្ថ ឧត្តានមេវាតិ.

កង្ខាវិតរណិយា បាតិមោក្ខវណ្ណនាយ ភិក្ខុនិបាតិមោក្ខេ

និស្សគ្គិយបាចិត្តិយវណ្ណនា និដ្ឋិតា.