១០. បុគ្គលិកចេតាបនសិក្ខាបទវណ្ណនា

ទសមេ បុគ្គលិកេនាតិ ឯកភិក្ខុនិយា បរិច្ចត្តេន. សញ្ញាចិកេនាតិ សយំ យាចិតកេន ច. អញ្ញំ ចេតាបេយ្យាតិ យំ ឧទ្ទិសិត្វា ទិន្នំ, តតោ អញ្ញំ ចេតាបេន្តិយា បយោគេ ទុក្កដំ, បដិលាភេន និស្សគ្គិយំ ហោតិ.

សាវត្ថិយំ ថុល្លនន្ទំ អារព្ភ តាទិសេន បរិក្ខារេន អញ្ញំ ចេតាបនវត្ថុស្មិំ បញ្ញត្តំ, សេសំ ឆដ្ឋសទិសមេវាតិ.

បុគ្គលិកចេតាបនសិក្ខាបទវណ្ណនា និដ្ឋិតា.

បត្តវគ្គោ បឋមោ.