៣-៤. សុប្បដិច្ឆន្នសិក្ខាបទវណ្ណនា

តតិយេ សុប្បដិច្ឆន្នោតិ សុដ្ឋុ បដិច្ឆន្នោ, គណ្ឋិកំ បដិមុញ្ចិត្វា អនុវាតន្តេន គីវំ បដិច្ឆាទេត្វា ឧភោ កណ្ណេ សមំ កត្វា បដិសង្ឃរិត្វា យាវ មណិពន្ធំ បដិច្ឆាទេត្វា អន្តរឃរេ គមិស្សាមីតិ អត្ថោ, តថា អកត្វា បន ជាណុំ វា ឧរំ វា វិវរិត្វា គច្ឆន្តស្ស ទុក្កដំ.

ចតុត្ថេ គលវាដកតោ បដ្ឋាយ សីសំ, មណិពន្ធតោ បដ្ឋាយ ហត្ថេ, បិណ្ឌិកមំសតោ បដ្ឋាយ បាទេ វិវរិត្វា សេសំ ឆាទេត្វា និសិន្នោ សុប្បដិច្ឆន្នោ នាម ហោតិ, ឯត្ថ បន វាសូបគតស្ស អនាបត្តិ.