នអត្តបញ្ញត្តិវណ្ណនា

១១៩. អារទ្ធវិបស្សកោបីតិ សម្បរាយិកវិបស្សកោបិ, តេន ពលវវិបស្សនាយ ឋិតំ បុគ្គលំ ទស្សេតិ. ន បញ្ញបេតិ ឯវ អពហុស្សុតោ បីតិ អធិប្បាយោ. តាទិសោ ហិ វិបស្សនាយ អានុភាវោ. សាសនិកោបិ ឈានាភិញ្ញាលាភី ‘‘ន បញ្ញបេតី’’តិ ន វត្តព្ពោតិ សោ ឥធ ន ឧទ្ធដោ. ឥទានិ នេសំ អបញ្ញាបនេ ការណំ ទស្សេតិ ‘‘ឯតេសញ្ហី’’តិអាទិនា. ឥច្ចេវ ញាណំ ហោតិ, ន វិបរីតគ្គាហោ តស្ស ការណស្ស ទូរសមុស្សារិតត្តា. អរូបក្ខន្ធា ឥច្ចេវ ញាណំ ហោតីតិ យោជនា.