ផស្សបច្ចយវារវណ្ណនា

១១៨. យេន តណ្ហាបរិតស្សិតេន ឯតានិ ទិដ្ឋិគតានិ បវត្តន្តិ, តស្ស វេទយិតំ បច្ចយោ, វេទយិតស្សាបិ ផស្សោ បច្ចយោតិ ទេសនា ទិដ្ឋិយា បច្ចយបរម្បរនិទ្ធារណន្តិ អាហ ‘‘បរម្បរបច្ចយទស្សនត្ថ’’ន្តិ, តេន យថា បញ្ញាបនធម្មោ ទិដ្ឋិ, តប្បច្ចយធម្មា ច យថាសកំ បច្ចយវសេនេវ ឧប្បជ្ជន្តិ, ន បច្ចយេហិ វិនា, ឯវំ បញ្ញាបេតព្ពា ធម្មាបិ រូបវេទនាទយោ, ន ឯត្ថ កោចិ អត្តា វា លោកោ វា សស្សតោតិ អយមត្ថោ ទស្សិតោតិ ទដ្ឋព្ពំ.