២. អភិធម្មភាជនីយវណ្ណនា

៤៤៤. អភិធម្មភាជនីយេ ‘‘ឥទ្ធិបាទោតិ តថាភូតស្ស ផស្សោ…បេ… បគ្គាហោ អវិក្ខេបោ’’តិ (វិភ. ៤៤៧) ឥទ្ធិឥទ្ធិបាទត្ថទស្សនត្ថំ បគ្គាហាវិក្ខេបា វុត្តា, ចិត្តបញ្ញា ច សង្ខិបិត្វាតិ. ចត្តារិ នយសហស្សានិ វិភត្តានីតិ ឥទំ សាធិបតិវារានំ បរិបុណ្ណានំ អភាវា វិចារេតព្ពំ. ន ហិ អធិបតីនំ អធិបតយោ វិជ្ជន្តិ, ឯកេកស្មិំ បន ឥទ្ធិបាទនិទ្ទេសេ ឯកេកោ អធិបតិវារោ លព្ភតីតិ សោឡស សោឡស នយសតានិ លព្ភន្តិ.

អភិធម្មភាជនីយវណ្ណនា និដ្ឋិតា.