៩. នវកនិទ្ទេសវណ្ណនា

៩៦០-៩៦៣. ទសមស្សាតិ អដ្ឋានឃាតស្ស.

អជ្ឈត្តន្តិ គោចរជ្ឈត្តំ អធិប្បេតំ. ឯតស្ស គាថាវចនស្ស. និដ្ឋបេត្វាតិ អភិនិវិស្ស.

៩៦៤. អញ្ញេសំ ផស្សាទីនំ សង្ខតភាវេ យថាសកំបច្ចយេហិ. យេនាការេន មានស្ស សាតិសយា បវត្តិ, តំ ទស្សេតុំ ‘‘អហន្តិ, អស្មីតិ ចា’’តិ វុត្តំ. អត្តនោតិ ទិដ្ឋិគតបរិកប្បិតស្ស អត្តនោ. យថា មានស្ស សម្បគ្គហវសេន, ឯវំ តណ្ហាយ មមត្តវសេន, ទិដ្ឋិយា និច្ចាទិវសេន បវត្តិ វិសេសវតី សមានេបិ អនាគតកាលាមសនេតិ អាហ ‘‘ភវិស្សន្តី…បេ… វុត្តោ’’តិ. ‘‘អហមស្មី’’តិ បន បវត្តមានស្សេវ ភវតីតិ សព្ពបទសាធារណស្ស មានស្សេវ វសេន ឥញ្ជិតាទិតា អដ្ឋកថាយំ វុត្តា.

នវកនិទ្ទេសវណ្ណនា និដ្ឋិតា.