១០. តបុស្សសុត្តវណ្ណនា

៤១. ទសមេ បក្ខន្ទតីតិ បវិសតិ. បសីទតីតិ បសាទំ អភិរុចិំ អាបជ្ជតិ, បតិដ្ឋាតិ វិមុច្ចតីតិ អត្ថោ. កថាបាភតន្តិ កថាយ មូលំ. មូលញ្ហិ ‘‘បាភត’’ន្តិ វុច្ចតិ. យថាហ –

‘‘អប្បកេនបិ មេធាវី, បាភតេន វិចក្ខណោ;

សមុដ្ឋាបេតិ អត្តានំ, អណុំ អគ្គិំវ សន្ធម’’ន្តិ. (ជា. ១.១.៤);

តេនេវាហ ‘‘កថាបាភតន្តិ កថាមូល’’ន្តិ. វិតក្កគ្គហណេនេវ តំសហចរិតោ វិចារោបិ គហិតោ. តេនេវេត្ថ ពហុវចននិទ្ទេសោ កតោតិ អាហ ‘‘វិតក្កេសូតិ វិតក្កវិចារេសូ’’តិ.

តបុស្សសុត្តវណ្ណនា និដ្ឋិតា.

មហាវគ្គវណ្ណនា និដ្ឋិតា.