៥-៩. គណ្ឌសុត្តាទិវណ្ណនា

១៥-១៩. បញ្ចមេ មាតាបេត្តិកសម្ភវស្សាតិ មាតិតោ ច បិតិតោ ច និព្ពត្តេន មាតាបេត្តិកេន សុក្កសោណិតេន សម្ភូតស្ស. ឧច្ឆាទនធម្មស្សាតិ ឧច្ឆាទេតព្ពសភាវស្ស. បរិមទ្ទនធម្មស្សាតិ បរិមទ្ទិតព្ពសភាវស្ស. ឯត្ថ ច ឱទនកុម្មាសូបចយឧច្ឆាទនបទេហិ វឌ្ឍិ កថិតា, អនិច្ចភេទនវិទ្ធំសនបទេហិ ហានិ. បុរិមេហិ វា សមុទយោ, បច្ឆិមេហិ អត្ថង្គមោតិ ឯវំ ចាតុមហាភូតិកស្ស កាយស្ស វឌ្ឍិបរិហានិនិព្ពត្តិភេទា ទស្សិតា. សេសំ សុវិញ្ញេយ្យមេវ. ឆដ្ឋាទីនិ ឧត្តានត្ថានិ.

គណ្ឌសុត្តាទិវណ្ណនា និដ្ឋិតា.