២-១១. អាវរណសុត្តាទិវណ្ណនា

៨៦-៩៥. ទុតិយេ អច្ឆន្ទិកោតិ កត្តុកម្យតាកុសលច្ឆន្ទរហិតោ. ឧត្តរកុរុកា មនុស្សា អច្ឆន្ទិកដ្ឋានំ បវិដ្ឋា. ទុប្បញ្ញោតិ ភវង្គបញ្ញាយ បរិហីនោ. ភវង្គបញ្ញាយ បន បរិបុណ្ណាយបិ យស្ស ភវង្គំ លោកុត្តរស្ស បច្ចយោ ន ហោតិ, សោបិ ទុប្បញ្ញោ ឯវ នាម. អភព្ពោ និយាមំ ឱក្កមិតុំ កុសលេសុ ធម្មេសុ សម្មត្តន្តិ កុសលេសុ ធម្មេសុ សម្មត្តនិយាមសង្ខាតំ អរិយមគ្គំ ឱក្កមិតុំ អធិគន្តុំ អភព្ពោ. ន កម្មាវរណតាយាតិអាទីសុ អភព្ពវិបរិយាយេន អត្ថោ វេទិតព្ពោ. ចតុត្ថាទីនិ ឧត្តានត្ថានិ.

អាវរណសុត្តាទិវណ្ណនា និដ្ឋិតា.

សីតិវគ្គវណ្ណនា និដ្ឋិតា.