(១០) ៥. កកុធវគ្គោ
១-១០. បឋមសម្បទាសុត្តាទិវណ្ណនា
៩១-១០០. បញ្ចមស្ស បឋមេ ទុតិយេ ច នត្ថិ វត្តព្ពំ. តតិយេ អាជាននតោ អញ្ញា, ឧបរិមគ្គបញ្ញា ហេដ្ឋិមមគ្គេន ញាតបរិញ្ញាយ ឯវ ជាននតោ. តស្សា បន ផលភាវតោ មគ្គផលបញ្ញា តំសហគតា សម្មាសង្កប្បាទយោ ច ឥធ ‘‘អញ្ញា’’តិ វុត្តា. អញ្ញាយ ព្យាករណានិ អញ្ញាព្យាករណានិ. តេនេវាហ ‘‘អញ្ញាព្យាករណានីតិ អរហត្តព្យាករណានី’’តិ. អធិគតមានេនាតិ អប្បត្តេ បត្តសញ្ញី, អនធិគតេ អធិគតសញ្ញី ហុត្វា អធិគតំ មយាតិ មានេន. ចតុត្ថាទីនិ ឧត្តានត្ថានេវ.
បឋមសម្បទាសុត្តាទិវណ្ណនា និដ្ឋិតា.
កកុធវគ្គវណ្ណនា និដ្ឋិតា.
ទុតិយបណ្ណាសកំ និដ្ឋិតំ.