១. បឋមបុញ្ញាភិសន្ទសុត្តវណ្ណនា

៥១. ទុតិយស្ស បឋមេ បុញ្ញាភិសន្ទាតិ វា បុញ្ញនទិយោ. អវិច្ឆេទេន និច្ចំ បវត្តិយមានានិ ហិ បុញ្ញានិ អភិសន្ទនដ្ឋេន ‘‘បុញ្ញាភិសន្ទា’’តិ វុត្តា. អបរិមិតន្តិ អាឡ្ហកគណនាយ អបរិមិតំ, យោជនវសេន បនស្ស បរិមាណំ អត្ថិ. តថា ហិ ហេដ្ឋា មហាបថវិយា ឧបរិ អាកាសេន បរតោ ចក្កវាឡបព្ពតេន មជ្ឈេ តត្ថ តត្ថ ឋិតេហិ ទីបបព្ពតបរិយន្តេហិ បរិច្ឆិន្នត្តា យោជនតោ សក្កា បមាណំ កាតុំ. ភេរវារម្មណេហីតិ សវិញ្ញាណកាវិញ្ញាណកេហិ ភេរវារម្មណេហិ. តថា ហិ តំ មហាសរីរមច្ឆកុម្ភីលយក្ខរក្ខសមហានាគទានវាទីនំ សវិញ្ញាណកានំ វឡវាមុខបាតាលាទីនំ អវិញ្ញាណកានញ្ច ភេរវារម្មណានំ វសេន ‘‘ពហុភេរវ’’ន្តិ វុច្ចតិ. សេសមេត្ថ ឧត្តានមេវ.

បឋមបុញ្ញាភិសន្ទសុត្តវណ្ណនា និដ្ឋិតា.