៤. តតិយសមាធិសុត្តវណ្ណនា

៩៤. ចតុត្ថេ សណ្ឋបេតព្ពន្តិ សម្មទេវ ឋបេតព្ពំ. យថា បន ឋបិតំ សណ្ឋបិតំ ហោតិ, តំ ទស្សេតុំ ‘‘សន្និសាទេតព្ព’’ន្តិអាទិ វុត្តំ. តត្ថ សន្និសាទេតព្ពន្តិ សមាធិប្បដិបក្ខេ កិលេសេ សន្និសីទាបេន្តេន ចិត្តំ គោចរជ្ឈត្តេ សន្និសីទាបេតព្ពន្តិ. ឯកោទិ កាតព្ពន្តិ អព្យគ្គភាវាបាទនេន ឯកគ្គំ កាតព្ពំ. សមាទហិតព្ពន្តិ យថា អារម្មណេ សុដ្ឋុ អប្បិតំ ហោតិ, ឯវំ សម្មា សម្មទេវ អាទហិតព្ពំ, សុដ្ឋុ អារោបេតព្ពំ សមាហិតំ កាតព្ពន្តិ អត្ថោ.

តតិយសមាធិសុត្តវណ្ណនា និដ្ឋិតា.