២១. ឯកវីសតិមោ បរិច្ឆេទោ

បដិបទាញាណទស្សនវិសុទ្ធិនិទ្ទេសវណ្ណនា

១២៩៩. ឧបល្លេសវិមុត្តំ សុវិសទំ ញាណន្តិ អដ្ឋវិធញាណំ សន្ធាយាហ.

១៣០២. សច្ចានុលោមញាណន្តិ អយមេវ បវុច្ចតិ.

១៣០៦. អយំ សិខាបត្តា វិបស្សនា ឯវ សច្ចានុលោមញាណំ នាម បវុច្ចតិ.

១៣០៩. ភវង្គានន្តរំ សង្ខារុ-បេក្ខាគតនយេនាតិ ភវង្គានន្តរំ សង្ខារុបេក្ខាសង្ខាតេន ញាណេន កតនយេន.

១៣១៤-៦. ពោធិបក្ខិយធម្មានំ, ឧទ្ធញ្ច អនុលោមតោតិ ឧទ្ធំ វត្តមានានំ ពោធិបក្ខិយធម្មានំ អនុលោមតោ, ឥទំ អនុលោមញាណំ វុដ្ឋានគាមិនិយា បរិយោសានំ នាម ភាសិតំ មហេសិនា កថិតំ. សច្ចានុលោមញាណំ អាហច្ច ឧប្បន្នា, សព្ពប្បការេន គោត្រភុបរិយោសានំ.

១៣១៨. តត្ថាតិ វិបស្សនាយ.

ឥតិ អភិធម្មាវតារដីកាយ

បដិបទាញាណទស្សនវិសុទ្ធិនិទ្ទេសវណ្ណនា និដ្ឋិតា.

ឯកវីសតិមោ បរិច្ឆេទោ.