៣-៧. កូដាទិសុត្តបញ្ចកំ

១៤១. ‘‘សេយ្យថាបិ, ភិក្ខវេ, កូដាគារស្ស យា កាចិ គោបានសិយោ សព្ពា តា កូដង្គមា កូដនិន្នា កូដសមោសរណា; កូដំ តាសំ អគ្គមក្ខាយតិ; ឯវមេវ ខោ, ភិក្ខវេ…បេ… តតិយំ.

១៤២. ‘‘សេយ្យថាបិ, ភិក្ខវេ, យេ កេចិ មូលគន្ធា, កាឡានុសារិយំ តេសំ អគ្គមក្ខាយតិ; ឯវមេវ ខោ, ភិក្ខវេ…បេ… ចតុត្ថំ.

១៤៣. ‘‘សេយ្យថាបិ, ភិក្ខវេ, យេ កេចិ សារគន្ធា, លោហិតចន្ទនំ តេសំ អគ្គមក្ខាយតិ; ឯវមេវ ខោ, ភិក្ខវេ…បេ… បញ្ចមំ.

១៤៤. ‘‘សេយ្យថាបិ, ភិក្ខវេ, យេ កេចិ បុប្ផគន្ធា, វស្សិកំ តេសំ អគ្គមក្ខាយតិ; ឯវមេវ ខោ, ភិក្ខវេ…បេ… ឆដ្ឋំ.

១៤៥. ‘‘សេយ្យថាបិ, ភិក្ខវេ, យេ កេចិ កុដ្ដរាជានោ, សព្ពេ តេ រញ្ញោ ចក្កវត្តិស្ស អនុយន្តា ភវន្តិ, រាជា តេសំ ចក្កវត្តិ អគ្គមក្ខាយតិ; ឯវមេវ ខោ, ភិក្ខវេ…បេ… សត្តមំ.