៤៦-៤៨. ពាហិរាតីតាទិយទនិច្ចសុត្តំ

២១៣-២១៥. ‘‘រូបា, ភិក្ខវេ, អនិច្ចា អតីតា អនាគតា បច្ចុប្បន្នា. យទនិច្ចំ, តំ ទុក្ខំ. យំ ទុក្ខំ, តទនត្តា. យទនត្តា, តំ ‘នេតំ មម, នេសោហមស្មិ, ន មេសោ អត្តា’តិ ឯវមេតំ យថាភូតំ សម្មប្បញ្ញាយ ទដ្ឋព្ពំ. សទ្ទា… គន្ធា… រសា… ផោដ្ឋព្ពា… ធម្មា អនិច្ចា អតីតា អនាគតា បច្ចុប្បន្នា. យទនិច្ចំ តំ ទុក្ខំ. យំ ទុក្ខំ តទនត្តា. យទនត្តា តំ ‘នេតំ មម, នេសោហមស្មិ, ន មេសោ អត្តា’តិ ឯវមេតំ យថាភូតំ សម្មប្បញ្ញាយ ទដ្ឋព្ពំ. ឯវំ បស្សំ…បេ… នាបរំ ឥត្ថត្តាយាតិ បជានាតី’’តិ.