៤០-៤២. អជ្ឈត្តាតីតាទិយំទុក្ខសុត្តំ

២០៧-២០៩. ‘‘ចក្ខុ, ភិក្ខវេ, ទុក្ខំ អតីតំ អនាគតំ បច្ចុប្បន្នំ. យំ ទុក្ខំ, តទនត្តា. យទនត្តា, តំ ‘នេតំ មម, នេសោហមស្មិ, ន មេសោ អត្តា’តិ ឯវមេតំ យថាភូតំ សម្មប្បញ្ញាយ ទដ្ឋព្ពំ…បេ… ជិវ្ហា ទុក្ខា…បេ… មនោ ទុក្ខោ អតីតោ អនាគតោ បច្ចុប្បន្នោ. យំ ទុក្ខំ, តទនត្តា. យទនត្តា, តំ ‘នេតំ មម, នេសោហមស្មិ, ន មេសោ អត្តា’តិ ឯវមេតំ យថាភូតំ សម្មប្បញ្ញាយ ទដ្ឋព្ពំ. ឯវំ បស្សំ…បេ… នាបរំ ឥត្ថត្តាយាតិ បជានាតី’’តិ.