១៩. អជ្ឈត្តាតីតានិច្ចសុត្តំ

១៨៦. ‘‘ចក្ខុ, ភិក្ខវេ, អនិច្ចំ អតីតំ…បេ… ជិវ្ហា អនិច្ចា អតីតា…បេ… មនោ អនិច្ចោ អតីតោ. ឯវំ បស្សំ, ភិក្ខវេ, សុតវា អរិយសាវកោ ចក្ខុស្មិម្បិ និព្ពិន្ទតិ…បេ… ជិវ្ហាយបិ និព្ពិន្ទតិ…បេ… មនស្មិម្បិ និព្ពិន្ទតិ. និព្ពិន្ទំ វិរជ្ជតិ; វិរាគា វិមុច្ចតិ; វិមុត្តស្មិំ វិមុត្តមិតិ ញាណំ ហោតិ. ‘ខីណា ជាតិ, វុសិតំ ព្រហ្មចរិយំ, កតំ ករណីយំ, នាបរំ ឥត្ថត្តាយា’តិ បជានាតី’’តិ.