៨. តណ្ហាសុត្តំ

៣១៩. សាវត្ថិនិទានំ. ‘‘យោ ខោ, ភិក្ខវេ, រូបតណ្ហាយ ឧប្បាទោ ឋិតិ…បេ… ជរាមរណស្ស បាតុភាវោ…បេ… យោ ធម្មតណ្ហាយ ឧប្បាទោ ឋិតិ អភិនិព្ពត្តិ បាតុភាវោ, ទុក្ខស្សេសោ ឧប្បាទោ, រោគានំ ឋិតិ, ជរាមរណស្ស បាតុភាវោ. យោ ច ខោ, ភិក្ខវេ, រូបតណ្ហាយ និរោធោ…បេ… ជរាមរណស្ស អត្ថង្គមោ…បេ… យោ ធម្មតណ្ហាយ និរោធោ វូបសមោ អត្ថង្គមោ, ទុក្ខស្សេសោ និរោធោ, រោគានំ វូបសមោ, ជរាមរណស្ស អត្ថង្គមោ’’តិ. អដ្ឋមំ.