៧. សញ្ចេតនាសុត្តំ

៣១៨. សាវត្ថិនិទានំ. ‘‘យោ ខោ, ភិក្ខវេ, រូបសញ្ចេតនាយ ឧប្បាទោ ឋិតិ…បេ… ជរាមរណស្ស បាតុភាវោ…បេ… យោ ធម្មសញ្ចេតនាយ ឧប្បាទោ ឋិតិ អភិនិព្ពត្តិ បាតុភាវោ, ទុក្ខស្សេសោ ឧប្បាទោ, រោគានំ ឋិតិ, ជរាមរណស្ស បាតុភាវោ. យោ ច ខោ, ភិក្ខវេ, រូបសញ្ចេតនាយ និរោធោ…បេ… ជរាមរណស្ស អត្ថង្គមោ…បេ… យោ ធម្មសញ្ចេតនាយ និរោធោ វូបសមោ អត្ថង្គមោ, ទុក្ខស្សេសោ និរោធោ, រោគានំ វូបសមោ, ជរាមរណស្ស អត្ថង្គមោ’’តិ. សត្តមំ.