១៤. សមាបត្តិមូលកអារម្មណសុត្តំ

៦៧៥. សាវត្ថិនិទានំ. ‘‘ចត្តារោមេ, ភិក្ខវេ, ឈាយី. កតមេ ចត្តារោ? ឥធ, ភិក្ខវេ, ឯកច្ចោ ឈាយី សមាធិស្មិំ សមាបត្តិកុសលោ ហោតិ, ន សមាធិស្មិំ អារម្មណកុសលោ. ឥធ បន, ភិក្ខវេ, ឯកច្ចោ ឈាយី សមាធិស្មិំ អារម្មណកុសលោ ហោតិ, ន សមាធិស្មិំ សមាបត្តិកុសលោ. ឥធ បន, ភិក្ខវេ, ឯកច្ចោ ឈាយី នេវ សមាធិស្មិំ សមាបត្តិកុសលោ ហោតិ, ន ច សមាធិស្មិំ អារម្មណកុសលោ. ឥធ បន, ភិក្ខវេ, ឯកច្ចោ ឈាយី សមាធិស្មិំ សមាបត្តិកុសលោ ច ហោតិ, សមាធិស្មិំ អារម្មណកុសលោ ច. តត្រ…បេ… បវរោ ចា’’តិ. ចុទ្ទសមំ.