១៥. សមាបត្តិមូលកគោចរសុត្តំ

៦៧៦. សាវត្ថិនិទានំ. ‘‘ចត្តារោមេ, ភិក្ខវេ, ឈាយី. កតមេ ចត្តារោ? ឥធ, ភិក្ខវេ, ឯកច្ចោ ឈាយី សមាធិស្មិំ សមាបត្តិកុសលោ ហោតិ, ន សមាធិស្មិំ គោចរកុសលោ. ឥធ បន, ភិក្ខវេ, ឯកច្ចោ ឈាយី សមាធិស្មិំ គោចរកុសលោ ហោតិ, ន សមាធិស្មិំ សមាបត្តិកុសលោ. ឥធ បន, ភិក្ខវេ, ឯកច្ចោ ឈាយី នេវ សមាធិស្មិំ សមាបត្តិកុសលោ ហោតិ, ន ច សមាធិស្មិំ គោចរកុសលោ. ឥធ បន, ភិក្ខវេ, ឯកច្ចោ ឈាយី សមាធិស្មិំ សមាបត្តិកុសលោ ច ហោតិ, សមាធិស្មិំ គោចរកុសលោ ច. តត្រ…បេ… បវរោ ចា’’តិ. បន្នរសមំ.