២. ផស្សនានត្តសុត្តំ

៨៦. សាវត្ថិយំ វិហរតិ…បេ… ‘‘ធាតុនានត្តំ, ភិក្ខវេ, បដិច្ច ឧប្បជ្ជតិ ផស្សនានត្តំ. កតមញ្ច, ភិក្ខវេ, ធាតុនានត្តំ? ចក្ខុធាតុ សោតធាតុ ឃានធាតុ ជិវ្ហាធាតុ កាយធាតុ មនោធាតុ – ឥទំ វុច្ចតិ, ភិក្ខវេ, ធាតុនានត្តំ’’.

‘‘កថញ្ច, ភិក្ខវេ, ធាតុនានត្តំ បដិច្ច ឧប្បជ្ជតិ ផស្សនានត្តំ? ចក្ខុធាតុំ, ភិក្ខវេ, បដិច្ច ឧប្បជ្ជតិ ចក្ខុសម្ផស្សោ. សោតធាតុំ បដិច្ច… ឃានធាតុំ បដិច្ច … ជិវ្ហាធាតុំ បដិច្ច… កាយធាតុំ បដិច្ច… មនោធាតុំ បដិច្ច ឧប្បជ្ជតិ មនោសម្ផស្សោ. ឯវំ ខោ, ភិក្ខវេ, ធាតុនានត្តំ បដិច្ច ឧប្បជ្ជតិ ផស្សនានត្ត’’ន្តិ. ទុតិយំ.