១. សត្ថុសុត្តំ

៧៣. សាវត្ថិយំ វិហរតិ…បេ… ‘‘ជរាមរណំ, ភិក្ខវេ, អជានតា អបស្សតា យថាភូតំ ជរាមរណេ យថាភូតំ ញាណាយ សត្ថា បរិយេសិតព្ពោ; ជរាមរណសមុទយំ អជានតា អបស្សតា យថាភូតំ ជរាមរណសមុទយេ យថាភូតំ ញាណាយ សត្ថា បរិយេសិតព្ពោ; ជរាមរណនិរោធំ អជានតា អបស្សតា យថាភូតំ ជរាមរណនិរោធេ យថាភូតំ ញាណាយ សត្ថា បរិយេសិតព្ពោ; ជរាមរណនិរោធគាមិនិំ បដិបទំ អជានតា អបស្សតា យថាភូតំ ជរាមរណនិរោធគាមិនិយា បដិបទាយ យថាភូតំ ញាណាយ សត្ថា បរិយេសិតព្ពោ’’តិ. (សុត្តន្តោ ឯកោ). បឋមំ.

(សព្ពេសំ បេយ្យាលោ ឯវំ វិត្ថារេតព្ពោ)