៩. បឋមសុក្កាសុត្តំ

២៤៣. ឯកំ សមយំ ភគវា រាជគហេ វិហរតិ វេឡុវនេ កលន្ទកនិវាបេ. តេន ខោ បន សមយេន សុក្កា ភិក្ខុនី មហតិយា បរិសាយ បរិវុតា ធម្មំ ទេសេតិ. អថ ខោ សុក្កាយ ភិក្ខុនិយា អភិប្បសន្នោ យក្ខោ រាជគហេ រថិកាយ រថិកំ សិង្ឃាដកេន សិង្ឃាដកំ ឧបសង្កមិត្វា តាយំ វេលាយំ ឥមា គាថាយោ អភាសិ –

‘‘កិំ មេ កតា រាជគហេ មនុស្សា, មធុបីតាវ សេយរេ;

យេ សុក្កំ ន បយិរុបាសន្តិ, ទេសេន្តិំ អមតំ បទំ.

‘‘តញ្ច បន អប្បដិវានីយំ, អសេចនកមោជវំ;

បិវន្តិ មញ្ញេ សប្បញ្ញា, វលាហកមិវ បន្ថគូ’’តិ [វលាហកមិវទ្ធគូតិ (សី.)].