៣. បច្ចវេក្ខណសុត្តំ

៥៣. ឯវំ មេ សុតំ – ឯកំ សមយំ ភគវា សាវត្ថិយំ វិហរតិ ជេតវនេ អនាថបិណ្ឌិកស្ស អារាមេ. តេន ខោ បន សមយេន ភគវា អត្តនោ អនេកេ បាបកេ អកុសលេ ធម្មេ បហីនេ បច្ចវេក្ខមានោ និសិន្នោ ហោតិ, អនេកេ ច កុសលេ ធម្មេ ភាវនាបារិបូរិំ គតេ.

អថ ខោ ភគវា [ឯតមត្ថំ វិទិត្វា (សី. ក.)] អត្តនោ អនេកេ បាបកេ អកុសលេ ធម្មេ បហីនេ វិទិត្វា អនេកេ ច កុសលេ ធម្មេ ភាវនាបារិបូរិំ គតេ [ឯតមត្ថំ វិទិត្វា (សី. ក.)] តាយំ វេលាយំ ឥមំ ឧទានំ ឧទានេសិ –

‘‘អហុ បុព្ពេ តទា នាហុ, នាហុ បុព្ពេ តទា អហុ;

ន ចាហុ ន ច ភវិស្សតិ, ន ចេតរហិ វិជ្ជតី’’តិ. តតិយំ;