៧. កម្មកថា

២៣៤. អហោសិ កម្មំ, អហោសិ កម្មវិបាកោ. អហោសិ កម្មំ, នាហោសិ កម្មវិបាកោ. អហោសិ កម្មំ, អត្ថិ កម្មវិបាកោ. អហោសិ កម្មំ, នត្ថិ កម្មវិបាកោ. អហោសិ កម្មំ, ភវិស្សតិ កម្មវិបាកោ. អហោសិ កម្មំ, ន ភវិស្សតិ កម្មវិបាកោ. [អតីតកម្មំ]

អត្ថិ កម្មំ, អត្ថិ កម្មវិបាកោ. អត្ថិ កម្មំ, នត្ថិ កម្មវិបាកោ. អត្ថិ កម្មំ, ភវិស្សតិ កម្មវិបាកោ. អត្ថិ កម្មំ, ន ភវិស្សតិ កម្មវិបាកោ. [បច្ចុប្បន្នកម្មំ]

ភវិស្សតិ កម្មំ, ភវិស្សតិ កម្មវិបាកោ. ភវិស្សតិ កម្មំ, ន ភវិស្សតិ កម្មវិបាកោ. [អនាគតកម្មំ]

២៣៥. អហោសិ កុសលំ កម្មំ, អហោសិ កុសលស្ស កម្មស្ស វិបាកោ. អហោសិ កុសលំ កម្មំ, នាហោសិ កុសលស្ស កម្មស្ស វិបាកោ. អហោសិ កុសលំ កម្មំ, អត្ថិ កុសលស្ស កម្មស្ស វិបាកោ. អហោសិ កុសលំ កម្មំ, នត្ថិ កុសលស្ស កម្មស្ស វិបាកោ. អហោសិ កុសលំ កម្មំ, ភវិស្សតិ កុសលស្ស កម្មស្ស វិបាកោ. អហោសិ កុសលំ កម្មំ, ន ភវិស្សតិ កុសលស្ស កម្មស្ស វិបាកោ.

អត្ថិ កុសលំ កម្មំ, អត្ថិ កុសលស្ស កម្មស្ស វិបាកោ. អត្ថិ កុសលំ កម្មំ, នត្ថិ កុសលស្ស កម្មស្ស វិបាកោ. អត្ថិ កុសលំ កម្មំ, ភវិស្សតិ កុសលស្ស កម្មស្ស វិបាកោ. អត្ថិ កុសលំ កម្មំ, ន ភវិស្សតិ កុសលស្ស កម្មស្ស វិបាកោ.

ភវិស្សតិ កុសលំ កម្មំ, ភវិស្សតិ កុសលស្ស កម្មស្ស វិបាកោ. ភវិស្សតិ កុសលំ កម្មំ, ន ភវិស្សតិ កុសលស្ស កម្មស្ស វិបាកោ.

អហោសិ អកុសលំ កម្មំ, អហោសិ អកុសលស្ស កម្មស្ស វិបាកោ. អហោសិ អកុសលំ កម្មំ, នាហោសិ អកុសលស្ស កម្មស្ស វិបាកោ. អហោសិ អកុសលំ កម្មំ, អត្ថិ អកុសលស្ស កម្មស្ស វិបាកោ. អហោសិ អកុសលំ កម្មំ, នត្ថិ អកុសលស្ស កម្មស្ស វិបាកោ. អហោសិ អកុសលំ កម្មំ, ភវិស្សតិ អកុសលស្ស កម្មស្ស វិបាកោ. អហោសិ អកុសលំ កម្មំ, ន ភវិស្សតិ អកុសលស្ស កម្មស្ស វិបាកោ.

អត្ថិ អកុសលំ កម្មំ, អត្ថិ អកុសលស្ស កម្មស្ស វិបាកោ. អត្ថិ អកុសលំ កម្មំ, នត្ថិ អកុសលស្ស កម្មស្ស វិបាកោ. អត្ថិ អកុសលំ កម្មំ, ភវិស្សតិ អកុសលស្ស កម្មស្ស វិបាកោ. អត្ថិ អកុសលំ កម្មំ, ន ភវិស្សតិ អកុសលស្ស កម្មស្ស វិបាកោ.

ភវិស្សតិ អកុសលំ កម្មំ, ភវិស្សតិ អកុសលស្ស កម្មស្ស វិបាកោ. ភវិស្សតិ អកុសលំ កម្មំ, ន ភវិស្សតិ អកុសលស្ស កម្មស្ស វិបាកោ.

អហោសិ សាវជ្ជំ កម្មំ…បេ… អហោសិ អនវជ្ជំ កម្មំ…បេ… អហោសិ កណ្ហំ កម្មំ…បេ… អហោសិ សុក្កំ កម្មំ…បេ… អហោសិ សុខុទ្រយំ កម្មំ…បេ… អហោសិ ទុក្ខុទ្រយំ កម្មំ…បេ… អហោសិ សុខវិបាកំ កម្មំ…បេ… អហោសិ ទុក្ខវិបាកំ កម្មំ, អហោសិ ទុក្ខវិបាកស្ស កម្មស្ស វិបាកោ. អហោសិ ទុក្ខវិបាកំ កម្មំ, នាហោសិ ទុក្ខវិបាកស្ស កម្មស្ស វិបាកោ. អហោសិ ទុក្ខវិបាកំ កម្មំ, អត្ថិ ទុក្ខវិបាកស្ស កម្មស្ស វិបាកោ. អហោសិ ទុក្ខវិបាកំ កម្មំ, នត្ថិ ទុក្ខវិបាកស្ស កម្មស្ស វិបាកោ. អហោសិ ទុក្ខវិបាកំ កម្មំ, ភវិស្សតិ ទុក្ខវិបាកស្ស កម្មស្ស វិបាកោ. អហោសិ ទុក្ខវិបាកំ កម្មំ, ន ភវិស្សតិ ទុក្ខវិបាកស្ស កម្មស្ស វិបាកោ.

អត្ថិ ទុក្ខវិបាកំ កម្មំ, អត្ថិ ទុក្ខវិបាកស្ស កម្មស្ស វិបាកោ. អត្ថិ ទុក្ខវិបាកំ កម្មំ, នត្ថិ ទុក្ខវិបាកស្ស កម្មស្ស វិបាកោ. អត្ថិ ទុក្ខវិបាកំ កម្មំ, ភវិស្សតិ ទុក្ខវិបាកស្ស កម្មស្ស វិបាកោ. អត្ថិ ទុក្ខវិបាកំ កម្មំ, ន ភវិស្សតិ ទុក្ខវិបាកស្ស កម្មស្ស វិបាកោ.

ភវិស្សតិ ទុក្ខវិបាកំ កម្មំ, ភវិស្សតិ ទុក្ខវិបាកស្ស កម្មស្ស វិបាកោ. ភវិស្សតិ ទុក្ខវិបាកំ កម្មំ, ន ភវិស្សតិ ទុក្ខវិបាកស្ស កម្មស្ស វិបាកោតិ.

កម្មកថា និដ្ឋិតា.