៤២. បរិយោគាហណញាណនិទ្ទេសោ

៩៣. កថំ ផុដ្ឋត្តា បញ្ញា បរិយោគាហណេ ញាណំ? រូបំ អនិច្ចតោ ផុសតិ, រូបំ ទុក្ខតោ ផុសតិ, រូបំ អនត្តតោ ផុសតិ. យំ យំ ផុសតិ តំ តំ បរិយោគាហតីតិ – ផុដ្ឋត្តា បញ្ញា បរិយោគាហណេ ញាណំ. វេទនំ…បេ… សញ្ញំ… សង្ខារេ… វិញ្ញាណំ… ចក្ខុំ…បេ… ជរាមរណំ អនិច្ចតោ ផុសតិ, ទុក្ខតោ ផុសតិ, អនត្តតោ ផុសតិ. យំ យំ ផុសតិ តំ តំ បរិយោគាហតីតិ – ផុដ្ឋត្តា បញ្ញា បរិយោគាហណេ ញាណំ. តំ ញាតដ្ឋេន ញាណំ, បជាននដ្ឋេន បញ្ញា. តេន វុច្ចតិ – ‘‘ផុដ្ឋត្តា បញ្ញា បរិយោគាហណេ ញាណំ’’.

បរិយោគាហណញាណនិទ្ទេសោ ទ្វេចត្តាលីសមោ.