៤១. ខន្តិញាណនិទ្ទេសោ

៩២. កថំ វិទិតត្តា បញ្ញា ខន្តិញាណំ? រូបំ អនិច្ចតោ វិទិតំ, រូបំ ទុក្ខតោ វិទិតំ, រូបំ អនត្តតោ វិទិតំ. យំ យំ វិទិតំ តំ តំ ខមតីតិ – វិទិតត្តា បញ្ញា ខន្តិញាណំ. វេទនា…បេ… សញ្ញា… សង្ខារា… វិញ្ញាណំ… ចក្ខុ…បេ… ជរាមរណំ អនិច្ចតោ វិទិតំ, ជរាមរណំ ទុក្ខតោ វិទិតំ, ជរាមរណំ អនត្តតោ វិទិតំ. យំ យំ វិទិតំ តំ តំ ខមតីតិ – វិទិតត្តា បញ្ញា ខន្តិញាណំ. តំ ញាតដ្ឋេន ញាណំ, បជាននដ្ឋេន បញ្ញា. តេន វុច្ចតិ – ‘‘វិទិតត្តា បញ្ញា ខន្តិញាណំ’’.

ខន្តិញាណនិទ្ទេសោ ឯកចត្តាលីសមោ.