៧. អាវដ្ដហារសម្បាតោ

៦៩. តត្ថ កតមោ អាវដ្ដោ ហារសម្បាតោ?

‘‘តស្មា រក្ខិតចិត្តស្ស, សម្មាសង្កប្បគោចរោ’’តិ គាថា. ‘‘តស្មា រក្ខិតចិត្តស្ស, សម្មាសង្កប្បគោចរោ’’តិ សមថោ [អយំ សមថោ (សី. ក.)]. ‘‘សម្មាទិដ្ឋិបុរេក្ខារោ’’តិ វិបស្សនា. ‘‘ញត្វាន ឧទយព្ពយ’’ន្តិ ទុក្ខបរិញ្ញា. ‘‘ថិនមិទ្ធាភិភូ ភិក្ខូ’’តិ សមុទយបហានំ. ‘‘សព្ពា ទុគ្គតិយោ ជហេ’’តិ និរោធោ [អយំ និរោធោ (សី. ក.)]. ឥមានិ ចត្តារិ សច្ចានិ.

និយុត្តោ អាវដ្ដោ ហារសម្បាតោ.