៣៣៦. ព្រហាឆត្តជាតកំ (៤-៤-៦)

១៤១. តិណំ តិណន្តិ លបសិ, កោ នុ តេ តិណមាហរិ;

កិំ នុ តេ តិណកិច្ចត្ថិ, តិណមេវ បភាសសិ.

១៤២. ឥធាគមា ព្រហ្មចារី, ព្រហា ឆត្តោ ពហុស្សុតោ;

សោ មេ [សោ វេ (ក.)] សព្ពំ សមាទាយ, តិណំ និក្ខិប្ប គច្ឆតិ.

១៤៣. ឯវេតំ ហោតិ កត្តព្ពំ, អប្បេន ពហុមិច្ឆតា;

សព្ពំ សកស្ស អាទានំ, អនាទានំ តិណស្ស ច. ( ) [(តិណស្ស ចាដីសុ គតោ, តត្ថ កា បរិទេវនា) (សី. ស្យា.) (ចាដីសុ បក្ខិបិត្វាន, តត្ថ កា បរិទេវនា) (ក.)]

១៤៤. សីលវន្តោ ន កុព្ពន្តិ, ពាលោ សីលានិ កុព្ពតិ;

អនិច្ចសីលំ ទុស្សីល្យំ [ទុស្សីលំ (បី.)], កិំ បណ្ឌិច្ចំ ករិស្សតីតិ.

ព្រហាឆត្តជាតកំ ឆដ្ឋំ.