៣០៩. ឆវកជាតកំ (៤-១-៩)

៣៣. សព្ពមិទំ ចរិមំ កតំ [ចរិមវតំ (សី. បី.)], ឧភោ ធម្មំ ន បស្សរេ;

ឧភោ បកតិយា ចុតា, យោ ចាយំ មន្តេជ្ឈាបេតិ [មន្តជ្ឈាយតិ (សី.), សជ្ឈាបយតិ (បី.)];

យោ ច មន្តំ អធីយតិ.

៣៤. សាលីនំ ឱទនំ ភុញ្ជេ, សុចិំ មំសូបសេចនំ;

តស្មា ឯតំ ន សេវាមិ, ធម្មំ ឥសីហិ សេវិតំ.

៣៥. បរិព្ពជ មហា លោកោ [មហាព្រហ្មេ (ក.)], បចន្តញ្ញេបិ បាណិនោ;

មា តំ អធម្មោ អាចរិតោ, អស្មា កុម្ភមិវាភិទា.

៣៦. ធិរត្ថុ តំ យសលាភំ, ធនលាភញ្ច ព្រាហ្មណ;

យា វុត្តិ វិនិបាតេន, អធម្មចរណេន វាតិ.

ឆវកជាតកំ នវមំ.