៣០១. ចូឡកាលិង្គជាតកំ (៤-១-១)

១. វិវរថិមាសំ [វិវរថ ឥមាសំ (សី. ស្យា. បី.)] ទ្វារំ, នគរំ បវិសន្តុ [បវិសិតុំ មយា; (ក.)] អរុណរាជស្ស;

សីហេន សុសិដ្ឋេន, សុរក្ខិតំ [សុសត្ថេន, សុរក្ខិតំ (សី. បី.), សុសិដ្ឋេន (ក.)] នន្ទិសេនេន.

២. ជយោ កលិង្គានមសយ្ហសាហិនំ, បរាជយោ អនយោ [អជយោ (ស្យា.), អន្វិតោ (ក.)] អស្សកានំ;

ឥច្ចេវ តេ ភាសិតំ ព្រហ្មចារិ, ន ឧជ្ជុភូតា វិតថំ ភណន្តិ.

៣. ទេវា មុសាវាទមុបាតិវត្តា, សច្ចំ ធនំ បរមំ តេសុ [តថំ បេមករំ នុ (ក.), តថំ បរមំ ករំ នុ (ស្យា.)] សក្ក;

តំ តេ មុសា ភាសិតំ ទេវរាជ, កិំ វា បដិច្ច មឃវា មហិន្ទ.

៤. ននុ តេ សុតំ ព្រាហ្មណ ភញ្ញមានេ, ទេវា ន ឥស្សន្តិ បុរិសបរក្កមស្ស;

ទមោ សមាធិ មនសោ អភេជ្ជោ [អទេជ្ជោ (សី. បី.), អភិជ្ជោ (ក.)], អព្យគ្គតា និក្កមនញ្ច [និក្ខមនញ្ច (សី.)] កាលេ;

ទឡ្ហញ្ច វិរិយំ បុរិសបរក្កមោ ច, តេនេវ អាសិ វិជយោ អស្សកានន្តិ.

ចូឡកាលិង្គជាតកំ បឋមំ.